मुख्यमंत्री डॉ. रमन सिंह ह ट्रिपल-आईटी म करिस परमाणु वैज्ञानिक डॉ. भाभा के नाम म निर्मित छात्रावास के लोकार्पण

रायपुर,मुख्यमंत्री डॉ. रमन सिंह ह आज मंझनिया नवा रायपुर म डॉ. श्यामा प्रसाद मुखर्जी अंतर्राष्ट्रीय सूचना प्रौद्योगिकी संस्थान (ट्रिपल-आईटी) परिसर म 8 करोड के लागत ले निर्मित 168 सीट वाले छात्रावास भवन के लोकार्पण करिन। डॉ. सिंह ह ए बात म खुशी जताईन के छात्रावास भवन के नामकरण देश के प्रसिद्ध परमाणु वैज्ञानिक डॉ. होमी जहांगीर भाभा के नाम म ’भाभा-हाऊस’ करे गए हे। उमन छात्रावास परिसर म डॉ. होमी जहांगीर भाभा के प्रतिमा के घलोक अनावरण करिन। मुख्यमंत्री ह ट्रिपल-आईटी म स्मार्ट क्लास रूम के घलोक शुभारंभ करिन। समारोह ल सम्बोधित करत उमन कहिन कि ए संस्थान ल सूचना प्रौद्योगिकी के क्षेत्र म राष्ट्रीय स्तर म एक बेहतर संस्थान के रूप म विकसित करे जाही।
समारोह ल ट्रिपल-आईटी के निदेशक डॉ. पी. के सिन्हा, राष्ट्रीय ताप विद्युत निगम (एनटीपीसी) के क्षेत्रीय कार्यकारी निदेशक श्री हरबंश सिंह, प्रदेश सरकार के उद्योग विभाग के सचिव डॉ. कमल प्रीत सिंह अऊ नवा रायपुर विकास प्राधिकरण के मुख्य कार्यपालन अधिकारी श्री रजत कुमार ह घलोक सम्बोधित करे गीस। एखर अवसर म संस्थान के प्राध्यपक अऊ बड़ी संख्या म विद्यार्थी उपस्थित रहिन।